الثلاثاء، 14 يونيو، 2011

هل تربية القطط مضرة للبنات ؟؟

 أنا خايفة أربى قطط عشان بتجيب عقم....مع إنى بحبها جداً



كلمة نسمعها تتردد كتير من غير مانعرف مدى صدقها 
وصحتها...  كتير اوى عايزين يربوا قطط لكن بيخافوا علشان متصورين انها
 بتجيب امراض وبوجه خاص بتصيب البنات بالعقم
الكلام ده عارى جدا من الصحة او بمعنى اخر مش بالمفهوم اللى احنا فاهمينه 
..... ازى بقى ...اقول لكم  
تعالوا معى افهمكم !! :)


لما يكون فى بيتنا  انسان مريض بمرض معدى مثلا
( ربنا يسلمنا ويسلمكم من كل الامراض ) 
اكيد اكيد ممكن يصيب  باذن الله  الناس اللى فى البيت بنفس المرض 
لو اهملنا علاجة وطرق الوقاية 
ولو عندنا بيبى صغير فى البيت جميل خالص ونضيف 
وصحته طيبة وفجأة أهملنا البيبى ده وتركناه فى القذارة 
وما اهتمينا بصحته ولا نظافته اكيد هيصاب بالامراض 
وممكن اوى يصاب بمرض معدى ويتسبب بإذن الله فى العدوى لنا
صح الكلام ؟؟


نفس الحكاية القطط فيه اسباب بتجعلها مريضة او حاملة للعدوى 
ايه هى الاسباب دى وازاى نقى القطط و نفسنا منها 
اقولكم ...
اولا احب اقول لكل واحد عايز يربى قطة فى البيت 
ان مش دايما تربية القطط المنزلية تناسبنا 
لان لها شروط ...اولا توفر المكان المناسب بحيث لايؤثر على
اهل البيت ثانيا توفر الامكانيات المناسبة لتربيتها حتى لانظلمها
ونتسبب لها فى المعاملة بسوء 


نرجع بقى لموضوعنا 
المرض اللى بيسبب العقم للقطط والانسان 
يسمى المرض بالتكسوبلازما
(toxoplasmosis)
وهو طفيل ينتمى للحيوانات الأولية وحيدة الخلية ويعيش داخل
 الخلايا  ينتقل للإنسان من لمس براز القطة (المصابة فقط) بعد مرور
 24 ساعة على وجود البراز فقبل ذلك يكون البراز غير معدى....
لأن القطة المصابة بالطفيليات ينزل فى برازها ما يسمى بالأوسيست....
وبعد 24 ساعة يتحول هذا الأوسيست إلى أوسيست متحوصل وهو
 الطور المعدى ويبقى شهور طويلة موجود فى ظروف درجة الحرارة
 والرطوبة العادية


يبقى النقطة المهمة هنا اللى عايزاكم تفهموها
ان مش اى قطة بتصيب الانسان بالمرض ده
لكن القطة المريضة فقط وازاى بقى نقدر نتجنب ان القطة تصاب
 بهذا المرض... واسباب الاصابة 
اقولكم .. حالاً..



هناك طرق كثيرة لنقل العدوى إذ تعتبر القطط ناقل بنسبة 30%
 فقط من إجمالى الإصابات بالمرض.... يعنى فيه 70% مش بسبب القطط
ياخبر .. طب ايه باقى الاسباب اللى ممكن تصيب الانسان
 بالعقم والامراض دى ؟؟؟

من هذه الأسباب :
- اللحوم المصنعة كالهامبرجر والسوسيس واللانشون حيث فى المصانع
 من الممكن أن تسقط الفئران المصابة فى المفارم ولا من شاف ولا من درى....

- أكل اللحوم النيئة أو الغير مطهوة جيداً حيث أن الطفيل لا يموت إلا فى
 درجة حرارة 65 فما فوق

- شرب اللبن الغير مغلى حيث أن الطفيل يكون فى جسم الماشية
 المصابة ولبنها

- من الأم الحامل لجنينها عن طريق المشيمة، وهذا يؤدى إما للإجهاض
 او الموت بعد الولادة او التشوهات الجنينية مثل الاستسقاء الدماغى
او التشنجات او الإعاقة الذهنية او البصرية

- الخضار والفاكهة الغير مغسولة جيداً

- الذباب والصراصير ناقل جيد للطفيل

- لمس فضلات القطط التى مر عليها 24 ساعة وعدم غسل
 الأيدى بعدها

- لمس لحوم الأغنام والماشية وعدم غسل الأيدى بعدها





بمعنى ان كل الاسباب السابقة ممكن ان تؤدى الى الاصابة بالعقم
 وامراض كثيرة اخرى سواء للقطط او الانسان 

أعراض الإصابة فى الإنسان
تضخم فى العقد الليمفاوية طفح جلدى فمعيار الأجسام المناعية يكون عاليًا
 في الدم وقد تُوجد عتمة في الرؤية بسبب إصابة الشبكية، كما قد يوجد التهاب
مخي أو التهاب سحائي أو شلل أو تضخم مائي للجمجمة مع تخلف عقلي
 واضطراب في جهاز الحركة ونوبات الصرع وقد لا تظهر هذه الأعراض
إلا بعد شهور أو سنوات عدة من ولادة جنين مصاب



أعراض الإصابة فى القطط :
لاتظهر الإصابة فى القطط إلا فى حالاتها المتأخرة للأسف....
وتظهر فى القطة على حسب المناطق المحتوية على الحويصلات فى الأنسجة...كصعوبة فى التنفس لو فى الرئة....ألم وتخشب فى الأرجل لو فى العضلات...تشنج وإرتعاش لو فى الجهاز العصبى...


ومادامت القطة لاتشتكى من هذه الاعراض فهى تكون بصحة جيدة 
ولا تحمل اى عدوى او مرض  ولو كانت تحمل وتلد بصورة طبيعية فهى 
ايضا تتمتع بصحة جيدة ولاداعى لاى قلق .. وخوف



العلاج والوقاية

علاج المرض سهل ولا يدعوا للخوف
كعلاج للقطط السلفونامايد مع البيريميثامين
أو الكليندامايسين
وهناك حقن تطعيم تسمى بنتوجيكت تعطى شهرياً للقطة للوقاية

للإنسان يضاف لعلاج القطط مضاد حيوى يسمى
Spiramycin..وهى حقنة بسيطة تعطى للحامل  ولا تسبب
 أى مضاعفات

مع الإهتمام بتغيير ماء الشرب يومياً بالنسبة للقطط....
وعدم إختلاط القطط بقطط الشارع 
تغيير الرمل والتخلص من فضلات القطط يومياً وغسل الأيدى بعدها.....
الأكل يطهى جيداً...بالنسبة للمزارع يجب التخلص من القطط والفئران
 الضالة كى لا يسبب روثها إنتقال العدوى للأبقار أو الخرفان مع بقائه
 فى العلائق (طعام الماشية)...غسل الخضار والفاكهة جيداً....
غلى اللبن جيداً...اللحوم المصنعة خطر على الإنسان والقطط....
مكافحة الذباب والصراصير...عدم إقتراب السيدة الحامل من فضلات
 القطط للحرص ليس إلا....أخذ القطة للطبيب البيطرى كل ستة شهور
 للتأكد من عدم إصابتها بالمرض


نيجى للكلام المهم
بالنسبة للقطط مش لازم ابدا نأكلها لحوم نيئه نهائيا 
او بعض المأكولات اللى مش بتكون مطهية  زى اللانشون مثلا 
وكما احيانا (الدراى فود) مش بيكون موثوق فيه دايما 
ومش كل الانواع بتفيد القطط بالعكس احيانا تصنع بطريقة مش كويسة 
وعلشان نضمن سلامة نفسنا والقطط واى حيوان ممكن اربيه فى البيت 
لازم اعتنى بنظافة الاكل والشرب واوعيتها وغسلها باستمرار
كمان اللى يربى قطة مش لازم ابدا يخليها تختلط بقطط بالشارع 
لان طبعا قطط الشارع اكيد تحمل عدوى لانها تأكل  لحوم نية 
كمان نصيحة لاى حد يقطع لحوم نيئة فى المطبخ يخلى باله ويغسل ايده
 كويس قبل ما ياكل او يعمل اى شىء لان اللحم النيىء احيانا بيحمل
 عدوى واحنا مش عارفين ...

يبقى بلاش بقى نظلم القطط ونتمسك بالأشاعات اللى 
اجددنا قالوها زمان من غير مانتحقق من المعلومات 
لان المرض ممكن يصيب اى  حد انسان او حيوان مع الاهمال 

ده فيديو يوضح اد ايه اللحوم المصنعة خاصة المستوردة منها بتكون خطر
 على الانسان والحيوان مش القطط بس يعنى يجب الحرص على  اختيار
 المكان اللى نشترى منه الطعام ومعرفة المصدر وطريقة الذبح ومدى نظافة
 المنتج وصلاحيته..

وأعتذر بشدة ان الفيديو مشاهده قاسية كتير بس انا قلت
لابد اننا نعرف ايه اللى بيحصل وكفاية اوى قضينا زمن طويل 
واحنا مش فاهمين حاجات كتير ولازم نخلى بالنا من صحتنا 
وصحة اولادنا ونعرف ايه اللى احنا ممكن نكون بنأكله 
واحنا مش واخدين بالنا خالص للاسف

سااااااااااااامحونى على الفيديو ماحد يزعل منى الله يخليكم :) 




abuiyad

25 التعليقات:

لـــولا وزهـــراء يقول...

حسبي الله ونعم الوكيل فيهم
يالهوووووووووووووووووووي مش قادرة وربنا دماغي وجعتني ايه اللي انا شوفته ده!!! دول بني ادمين كدا زينا!!!

الحمد لله الذي اعزنا بالاسلام دين الرحمة حتى مع الحيوان



شكراً على المعلومات الجميلة عن القطط

لولا

قطرة وفا يقول...

مقال جمييييييل جداً ورااائع ...


سلمت يداكِ عليه أختي العزيزة :)

المنشد أبو مجاهد الرنتيسي يقول...

بسم الله وبعد
بوركت أختنا في الله على هذا الطرح المميز .. نعم هناك من يتكهن مثل هذه الامور ولكن نشكرك على معلوماتك الرائعة بهذا الخصوص

إخوانك في الله على طوووووووووووووول
أبو مجاهد الرنتيسي
أحلام الرنتيسي

شباب الرياضيات يقول...

احب القطط جدا

شكرا على النصائح القيمة

لكني ممنوعة من القطط حاليا لاني اتعلق بها كثير و حين تموت تحدث جنازة في البيت و طبعا امي لن ترضى.

موضوع مميز جدا
تحياتي

كريمة سندي يقول...

السلام عليكم ورحمة الله وبركاته

مدونة لذيذة أول مرة أزرها ورغم خوفي الشديد من الحيوانات فأنا أحب السمك في مية بس عشان لو طلع منها يموت

إلا أنني استفدت من التدوينة تحياتي غاليتي

أبو حسام الدين يقول...

السلام عليكم

موضوع مختلف عن سابقه، ودائما مواضيعك متجددة ومتنوعة.. استفدت كثيرا.
لي استفسار هو أن القطة مثلا حين نحرص على تربيتها وتنظيفها حين يأتي موسم التزواج فإن ذكور القطط المتشردة تبحث عن القطط أينما كانت وقد تكون هذه الأخيرة عنصر في نقل العدوى، فكيف يمكن لمن له قطة أن يحافظ عليها من قطط الشارع؟

بالنسبة للفيديو سبق أن شاهدته، والحقيقة أني حمدت الله تعالى على نعمة الإسلام، وادركت فضله تعالى علينا.
لكن تبادر إلى ذهني شيء مهم آلا و هو كيف لبعض الغربيين الذين يتهمون المسلمين بالإعتداء على الحيوان لكوننا نذبح في عيد الأضحى، مع أن هؤلاء لا يذبحون فقط بل ينحرون الحيوان بعشوائية وقسوة بلا رحمة.

حياك ِالله

هبة فاروق يقول...

مبروك على المدونة حبيبتى ولو انها متأخرة حبتين بس بجد انا زيك بعشق القطط
موضوع ومعلومات جديدة علية بس افضل تربية القطط خارج المنزل يعنى فى جنينة المنزل احسن لان شعر القطط خطر ايضا على الجهاز التنفسى للانسان
الفيديو مقدرتش اكملة مشاهد صعبة بجد
تحياتى ومبروك على المدونة

rack-yourminds يقول...

معلومات مفيده

Tamer Nabil Moussa يقول...

معلومات رائعة

تسلمى عليها


مع خالص تحياتى

أحمد الصعيدي يقول...

مصداقا لقولك

عودي يا كريمة الأخلاق لسيدنا أبي هريرة فإن كان قد إنقطع خلفه فرحمة الله لي لن يكون لي نسب فب الأرض


كإستدلال لحق موضوعك وليس خوفا من القطط فهي معي منذ زمن بعيد أرعاها وتحبني


بارك الله فيكي
ومن اليوم أتبني قططك فأعتبرهم سلالة من قططي

وجع البنفسج يقول...

والله انا كثير باسمع القصة هذه وانه القطط تؤثر على الحمل وتؤدي للاجهاض وهذا ماحدث مع صديقتي ولكنها تعالجت وحملت مرة اخرى .. فالقطط مثل الحيوانات تنقل بعض الامراض المختلفة .
لكن يبدو ان الموضوع لا يعني القطط بالدرجة الاولى فهي جزء من الحيوانات .

ذكرتي معلومات قيمة أيضا اول مرة اسمع بها .. احضر هنا للحصول على معلومات جديدة وممتعة للأمانة ..
اما بالنسبة للفيديو .. حرمت اكل همبورغر نهائي .. معقولة اللي بيصير بهالفيديو .. معدتي قلبت وحاسة حالي بدي ارجع .. ربنا يسامحك يا ام هريرة .

أم هريرة.. lolocat يقول...

@لـــولا وزهـــراء

السلام عليكم
شكرا لك لولا على حضورك الطيب
واعتذر لك حبيبتى على الفيديو انا عارفة انه صعب كتير
لكن انا قلت لازم تعرفوا ايه اللى بيحصل لنا واحنا مش حاسين ولاعارفين


اشكرك حبيبتى على تعليقك و مداخلتك الجميلة
تحياتى لك

أم هريرة.. lolocat يقول...

@قطرة وفا

السلام عليكم
جزاك الله خيرا اختاه بارك الله فيك
اسعدنى مرورك الجميل واحمد الله ان المقال نال اعجابك

لك ارق تحية وتقدير

أم هريرة.. lolocat يقول...

@المنشد أبو مجاهد الرنتيسي

السلام عليكم

اشكرك اخى العزيز مازن
واختى الحبيبة احلام على حضوركم المميز ومداخلتكم الطيبة
بوركتم احبابى دائما

لكم ارق تحية وتقدير

أم هريرة.. lolocat يقول...

@شباب الرياضيات

السلام عليكم
حبيبة قلبى انا كنت مثلك وانا فى سنك كنت تقريبا اعمل جنازة ايام وايام للقطة لو ماتت

سلمت من الحزن يارقيقة القلب ياطيبة

ربما فى المستقبل تستطيعى ان تقتنى قطة :)

شكرا لك على مرورك الرقيق وتعليق الاجمل

دمت بكل خير وسعادة حبيبتى

أم هريرة.. lolocat يقول...

@كريمة سندي

السلام عليكم
اهلا بك اختاه ومرحبا
شرفتى قطتى :)

اسعدنى مرورك الرقيق ومداخلتك الجميلة بوركت اختاه

لك منى ارق تحية ودمت بكل خير

أم هريرة.. lolocat يقول...

@أبو حسام الدين

السلام عليكم استاذى العزيز

اعتقد انى جاوبت على استفسارك فى رسالة خاصة ... لكن اقول لك مرة ثانية ليقرأ التعليق من يهمه الامر غيرنا

من الخطر ان نجعل القطة تختلط بقطط الشارع والافضل ان نبحث لها عن اسلوب تزاوج فى اماكن تبنى القطط وهى كثيرة جدا

اما اسلوب الذبح فحدث ولا حرج فهى حرب على الاسلام ليس اكثر يعترضون على المسلمين لانهم يذبحون فى عيدهم الخروف اليس يذبحون هم الرومى فى اعيادهم والخنازير

لكن هى مشكلة الغرب دائما
شن الحرب على الاسلام ولو عن طريق الاعتراض على ضحية العيد :)
والحمد لله على الاسلام وكفى به نعمة

شكرا لك اخى الكريم على تفاعلك الدائم وحرصك على المتابعة وقراءة مواضيعى باسلوب رائع
بارك الله فيك واسعدك

لك ارق تحية وتقدير

أم هريرة.. lolocat يقول...

@هبة فاروق

السلام عليكم
بارك الله فيك اختى الحبيبة اشكرك على ذوقك ورقتك :)

نعم معك حق انا دائما اقول ان تربية اى حيوان لابد لها من توافر شروط معينة اهمها المكان المناسب
يعنى بيت كبير او مكان مخصص لها حتى لا نجور على حق الانسان بالمكان

انا عندى القطط فى مكان خاص بالبيت وده لانهم كتير هههه ايضا

شكرا لك اختاه على زيارتك ويسعدنى دوام التواصل

لك ارق تحية وتقدير

أم هريرة.. lolocat يقول...

@rack-yourminds

السلام عليكم

شكرا لك اخى شرفتنى بارك الله فيك

لك ارق تحية

دمت بخير

أم هريرة.. lolocat يقول...

@Tamer Nabil Moussa

السلام عليكم
اشكرك اخى الفاضل
اسعدنى مرورك وزيارتك
اتمنى لاتكون مجرد زيارة عابرة
وتجد دائما الفائدة هنا :)

شكرا لك اخى سعدت بوجودك
لك ارق تحية
دمت بخير

أم هريرة.. lolocat يقول...

@أحمد الصعيدي

السلام عليكم
مرحبا بك اخى العزيز احمد

يسعدنى زيارتك لقطتى دائما :)
واعتبر كل قططى لك من الان ايضا ههههه

شكرا لك جدا جدا على مرورك اخى العزيز وتعليقك الطيب
دمت بكل خير وسعادة
تحياتى لك

أم هريرة.. lolocat يقول...

@وجع البنفسج

السلام عليكم
اولا اعتذر لك اختاه بشدة والله ما كنت اقصد ابدا ان ازعج احد به على الاطلاق

لكن من حرصى عليكم اردت ان تتابعوا مايحدث خوفا على صحتكم وصحة اولادنا



لكن يبدو ان الموضوع لا يعني القطط بالدرجة الاولى فهي جزء من الحيوانات .


نعم اختى العزيزة هذا ما اردته بهذا المقال القاء الضوء على بعض المعلومات المهمة التى غفلنا عنها ببساطة تفكيرنا وعدم توقعنا لها للاسف

اشكرك غاليتى لحسن متابعتك الطيبة بارك الله فيك واسعدك المولى عز وجل
شرفتينى غاليتى
لك ارق تحية

د.سمر يقول...

أحب جهدك في تفنيد الشائعات ..بارك الله فيك

ولكن التوكسوبلازما لاتسبب العقم ! حتى في حالة الإصابة بها

فهل أنت متأكدة أن هذا هو مصدر الشائعة ؟؟

عندنا من الخرافات أن السبب في هذا التخوف هو احتمال كون القكة جني!!X_X
مارأيك؟

موناليزا يقول...

طمنينى عليكِ

دكتور محمود يقول...

معلومات قيمة جدا
افادتنى كثيرا
جزاكى الله كل خير ان شاء الله

Best Blogger Gadgets